Sunday, July 12, 2009

اللي مايطيع يضيع

الحين شنو حالتهم نوابنا 32 شنو راح تكون تصريحاتهم او بالاحري تبريراتهم

اول تصريح قريته الي الان كان من معصومه مبارك تقوووووووول:
لنا وقفة جادة في حال كانت احالة المحور الاول من استجواب الخالد شكلية (يحليلج بس وقفه والله احنا اللي لنا وقفه معاج انت والباجي النواب ، اذا فات الفوت ماينفع الصوت لاتحاولين ترقعينها ماتترقع لانج كنت وزيره وعارف السياسة عدل ما منه فايده هل الكلام )
والبقية راح تأتي المتبقي 31 تصريح
بس اقول وهذا راي الشخصي النواب اللي ماكانت مع الاستجواب وطرح الثقة تسكت احسن ، وافضل شيء تسويه وبدون نقاش انها تصوت مع احالة الوزير الي محكمة الوزراء
ولحد فيهم ايبرر موقفه وخاااااصه اسيل العوضي وحسن جوهر انا بالنسبة لي موقفهم اسوء من غيرهم مسكة العصا بالنص ماتصلح لهل الموضوع بالذات


هذا الكلام كله اذا طلع كلام الوشيحي صح
في بالي ووووووووووووايييييييييييييد اساله بخصوص هل الموضوع بس راح اصبر واشوف اذا لها اجابة



شيء مهم جدا نسينا واحد ماعرفت شنو مايته اللي هو خالد السلطان

Monday, July 6, 2009

للمرة المليوووووووووون يابوعبدالعزيز

ماصار علي النقاش الحاد اللي بين بوعبد العزيز و مرزوق شهر حول مسألة تولي لجنة الشؤون الخارجية دراسة ملف الحالة بين الكويت و العراق
ولا اييك الرئيس مجلس الامة واللي هو خالك يا مرزوق ويقولك سنخرج العراق من البند السابع لحظتو الصيغة متاكد الاخ مو سنحاول سنخرج يعني الامر بيده الحين ومعزم
جنه ايقول لنا اللي نبيه بيصير بيصر
ما اقووووووووووووول الا آآآآآآآآآآه يابوعبدالعزيز جم مره بمره تقول كلام ويتهمونك بانك صاحب تازيم و صاحب فكرة مؤامرات وفي النهاية يطلع كلامك صح .
ناس تدفع حياتها ثمن للدفاع عن حقوق الشعب الكويتي (العم حمد الجوعان والعم عبد اللهالنيباري اكبر دليل) وناس تبيع هل الشعب عشان حياتها (.......تروالي عارفينهم)
للتذكييييييييييير

Wednesday, July 1, 2009


البقاء لله

ياجماعة عظم الله اجركم والعزاء لمده ثلاث ايام وتقبل التعازي للرجال والنساء علي العنوان التالي شارع الخليج مجلس الامه قاعة عبد الله المبارك ملاحظه : الرجال والنساء في نفس القاعه نظرا لضيق المكان .......... والصبر مالي انا الا الصبر والغدر واشلون يجي منهم الغدر.... الوعد بعد 4 سنوات لن ننسي